Skip to main content

Stilte voor die storm kom...

 Stilte voor die storm kom...

deur Chané van Zyl 

Kritiese besinning - Chané van Zyl vra kritiese vrae oor outentiek lewe veral met geleenthede soos Interskole waar die gesiglose krag en mening van die groep jou kan meesleur en ontneem van jou eie outentieke gewaarwording en belewing.


Ons skop die jaar af op die regte noot, 'n harmonie van gesang en eenheid. Die verhoog straal van eenheid met die reënboog van leerders - vanaf groen en blou tot by geel en groen. Harmonie, sinergie, en eenheid lyk asof dit 'n deurlopende tema is vir interskole. Ons ondersteun en vat mekaar se hande, lig mekaar op en bou mekaar op, ongeag die omstandighede of uitslae. Ons skep 'n ruimte van veiligheid en omgee te midde van die harde geraas van die skare.


Dit bring my by die hoof-boodskap van die aand - as jy voor 'n honger skare staan, wat sal jy hulle voed? Watter voorbeeld sal jy stel vir die toeskouers? Sal jy die platform benut om jou karakter ten toon te stel?


Het ons miskien te skeinheilig geword? Ek los julle met daardie vraag en ń aanhaling van C.S. Lewis: “When the whole world is running towards a clift - he who is running in the opposite direction appears to have lost his mind.”


Die skare juig, net nog een opinie, een stem, een stukkie raad, sê wat jy wil. Dit is egter die stiltes wat ons ongemaklik maak. In hierdie stiltes word ons gekonfronteer met ons diepste gedagtes. Sal jy toegee onder die druk van die skare? Sal jy jou klank verdof, jou kleur onderdruk, of sal jy staande bly op jou standpunte en karakter? Onthou wie jy is sonder die geraas van ander se stemme. Jy is genoeg...


Jy is alewig rusteloos.Vervelig en aspris skuif ons nader aan die maklike uitweg. Wonder jy of jy leë drome najaag? Begrawe jou twyfel diep onder die verwagtinge van die skare. Ons het in glaskaste begin woon. Glaskaste wat toegesluit is vir ander om ons. Slegs ń perfekte, ongerepte uitstalling vir die wat bereid is om dalk vir ń split sekonde te stop en aanskou. Daar is ń baie fyn lyn tussen dit alles bymekaar hou, en heeltemal uitmekaar laat val. Hou op om jou breekbaarheid te vrees. Leef net ń bietjie…lag uit jou maag uit, huil uit die diepste van jou wese, lag so hard dat jy begin huil. Dra jou hart op jou mou, jou siel in jou sak, jou gedagtes in jou hart en wees eerlik met jouself.




Labels:

Comments

Post a Comment

Popular Posts

Hoe sitplekke jou staanplek in die lewe weerspieël.

Hoe sitplekke jou staanplek in die lewe weerspieël. - Kontroversieel - Sjoe! Wat ‘n dag was gister nie vir Hoër Meisieskool en die meisies van Paarl Gimnasium nie. Beide skole het mooi oorwinnings gehad en ‘n paar oog-toe-maak verlore. Ek gaan nie nou uitbrei oor die wedstryde, die atmosfeer of selfs die verversings nie. Daar gaan nog deur die dag vars berigte daaroor volg. Gister was daar te midde van die mooi en die kompetisie tog ‘n element wat nie anders kon as om te krap aan die wese van ‘n vrou nie, en dit is die sitplek. Ja, ek kan nie anders as om myself te vra hoe die beskikbaarheid van sitplek by vrouesporte, vroue se staanplek in die samelewing weerspieël nie? Gister is daar plofbare Netbal gespeel. Gim se spelers het hul harte uitgespeel en in baie gevalle so ‘n asemrowende vertoning op die baan gesit. Die meisies en ouers van Paarl Gim wou tog sekerlik hierdie vertoning in persoon kon besigtig, maar daar was nie plek nie. HMS se spelers moes aanpas en moedhou teen die aans
Post a Comment
Read more

A last hurrah for Interschools 2023

A last hurrah for Interschools 2023! By Abigail Combrinck, Phia Heydenreich and Annemay Schade. With these parting words the writers and Editorial team of the Paarl Girls' High Interschools '23 Blog leave you. It was an absolute pleasure to report on the daily events, to get excited about games to come and reflect on the deeper meaning of Interschools for us. We thank our writers Isabella Groenewald, Chane van Zyl, Mira van Niekerk, Luca Yelverton, Hanah Malan, Karla Joubert and Mrs. Swart for making the blog possible this year. Please visit us again if you just want to relive a moment! Foto: EJ Lang When the high school gathered in front of the main building on Monday morning, all of our hearts were heavy. The feeling of anti-climax after such an exciting week is one of the worst feelings. Despite your tired body and burning throat, you wish you could relive the hustle and bustle of Interschool week. In the Interschools week, something new happens every day and every hour: and
Post a Comment
Read more

‘n Buitengewone Spanbou: Hande vat met Samaritan's Feet

‘n Buitengewone Spanbou: Hande vat met Samaritan's Feet Deur Annemay Schade Interskole is daardie tyd van die jaar waar elke leerder se fokus op skooltrots gerig is en hul visie na die buitewêreld begrens is. Al wat jy lééf is jou skool, geesvang en die in dril van spelpatrone. Dit kom nooit eers in jou gedagtes dat jy jouself in lugbel bevind wat só ver verwyder is van ander se realiteit nie.  Die tweede hokkiespan van HMS het egter, en ek dink dit is ‘n eerste, ons spanbousessie gebruik om uit te reik na ander. Ons het hande gevat met Samaritan’s Feet.  Ons het eerder as klets en pizza eet, ons brose menslikheid ontdek deur, deur ons interskole wedstryd en liefde vir die sport, liefde aan ander te bewys. Ons is na die Ikamva Foundation in Mbekweni waar ons as deel van die Samaritan’s Feet Projek en Goals fo Life ‘n klein verskilletjie probeer maak het in die lewens van kinders wat in hierdie wintermaande nie die voorreg het om warm sokkies en skoene aan hul voete te dra nie. Gewa
Post a Comment
Read more