VOORWOORD

Groen krioel binneaars soos harte vir Interskole klop .             

Annemay Schade

Herinneringe aan Interskole 2022

Dit is tyd. Groen oorheers vir die volgende week - en dis nie beperk tot wat die oog kan waarneem nie. Groen krioel binneaars, want óns harte klop Interskole. 

Hoe raak 'n mens bewus van elke onvervangbare oomblik tussendeur die warboel van geesvang, stem verloor, die get-go pace van dié week? 

Natuurlik is Interskole ongetwyfeld die ALL CAPS, GEHIGHLIGHT gebeurtenis op elke Girls' Higher se kalender. Die tuimeltrein van emosie is enig in sy soort, maar as matriekleerder word elke emosie verskerp deur die wete dat dit vir 'n laaste keer in skooldrag ervaar kan word, voor die skoolbaadjie vir 'n Old Girls' serp verruil word. 

Met verwagtinge wat 'n skamele druppel is in vergelyking met die realiteit van die gees oseaan, kan ons nie anders as bars van opwinding nie. My hoop is dat die kern oomblikke nie slegs die wendoel of oorwinnings is nie. Dis immers die samesyn wat Interskole 'n ontasbare belewenis maak. 

Ek onthou graad 8 se interskole wedstryd, ek het nie geweet wat presies Interskole behels nie, net dat dit GROOT is en ek moet uithaal en wys op die veld - toe ek vir die 2de keer die hokkiebal so ver misslaan dat ek net astro beskadig het, het my moed tot in my toks gesak - nietemin het die aanmoediging van my spanmaats my opnuut laat besef dat ek vir méér as net myself speel. Op die veld verteenwoordig ons 'n wapen wat jare se tradisie, susterskap en gees verteenwoordig. Dít is waarvoor ons speel. Die oomblikke wat nie vatplek met blote woorde kan kry nie. 

Dit is tyd. Groen oorheers vir die volgende week - en dis nie beperk tot wat die oog kan waarneem nie. Groen krioel binneaars, want óns harte klop Interskole.