Die Laerskool Groot Brag gaan oor Groot Geesvang!
‘n Mens weet dit is interskole as die dak van die skoolsaal lig soos die Laerskool op die Maandag van interskole week sing: Mango-mango, die Gimmies doen die tango.
jade. Die dogters het trots gesit met hulle hare mooi gevleg en ‘n nautilus tatoo op die linkerwang.
Elke span en leerder kry haar beurt om vorentoe te tree en aan almal te wys dat sy reg is vir die groot dag en die groot wedstryd. Alles hang van die regte opstapliedjie af. ‘n Span moet ‘n goeie opstapliedjie hê. Die opstapliedjie bind hulle saam as ‘n span. As hulle aanvanklik opstaan is elke spanlid nog in haar eie wêreld, maar die musiek gryp hulle aan om in gelid met die nodige “right stuff” houding by die gangetjie af te stap.
Natuurlik vermurwe elke mamma se hart as sy kyk na haar ou doggie wat voor op die verhoog staan. Die kapteine, skaars ‘n paar bakstene groot, vat die mikrofoon en begin die span bekendstel. Diegene wat lank met mamma geoefen het, onthou hulle woorde goed en eindig met die vasberade stelling: “Gimmies pas op, want ons gaan julle vanmiddag wys!” Daar is wel ander kapteines wat in ‘n oomblik van swakheid en verhoogangs die hele span se name vergeet het, Dit maak egter nie saak nie, want die menslikheid maak dit spesiaal.
Almal lag lekker vir die lawwe juffrouens se gees-video waarvan die inhoud geheim sal bly en wag in afwagting vir die voorstelling van die A-spanne.
Natuurlik word daar bespiegel of hulle vanjaar gaan wen. Sekere kinders se name word meer as ander genoem. Dit wonder van Laerskool Big Brags is dat dit werklik net vir die pret is. Die woorde soos “Gimmies ons kom vir julle,” is net woorde. Die pret op laerskool lê in deelname. Soms gaan dit vir die ouers oor wen bo alles, maar nie vir die leerders nie. Interskole is geesvang en sports en jou ma se geld mors op gekerfde ys met gekleurde stroop op.
Lekker man, lekker!!
Comments
Post a Comment